Es lou 26 de mai que lei Dodger's an creba l'uou. Uno dato premonitòri pèr aquest escachoun d'ami voulountous à sousteni l'OM. Sus tóuti lei terren de Franço e d'Europo. Soun noum a dous sèns. En proumié aqueu d'un lue-tenènt dóu noum de Dodge que s'èro separa de l'armado "yankee" emé dis ome devengu lis Dodger's. Mai "to dodge" en anglès es tambèn faire un saut de coustat eisatamen çe qu'an fa lei Dodger's, aquesto vinteno d'ami qu'èron pas d'acouàrdi emé lou groupe dóu "recouide (virage) nord". Pèr C. Catalado e seis ami, falié prendre uno decisien : siegue si leissa e parti chascun de soun counstat dins l'estàdi Vel' pèr redeveni de simple "supporters" anounimo, siegue persegui l'aventuro e crea soun propre groupe.

Fin finalo, an chausi la secoundo soulucien. Foundèron l'assouciacien lèi 1901, e pousquèron estigança sei animacien propre assaja de prouva soun eisistènço dins lou "virage nord". A la debuto, falié si pica au sèns propre coume figura pèr èstre recounèissu eis uei de tóuti (leis àutri groupe e l'OM). Mai lèu, la vinteno de cambarado es vengudo cènt, fau recounèisse bèn ajuda pèr lei resulto de l'equipo en aquèu tèms. Ero la sesoun 92 / 93 em' uno superbo equipo sus lou camin de la counsecracioun counsecracien europeano.

Au fiéu dóu tèms, dei rescontre e dei sesoun, lou groupe a countunia de grandi e de si faire gaiard dins toui lei relarg: espectacle, viàgi, emai d'àutreis ativeta interno au groupe : loto, "pay per view", equipo de baloun-pèd. Pèr facilita lou travai dei bountous dóu groupe e de douna à tóuti nósti sòci un liò pèr si rescountra avèn crea un loucau. Es dins aquest liò lue counviviau qu'avèn douna rendès-vous pèr tóuti leis ativeta dóu groupe.

Nouasto ambicien es de faire grandi lou groupe que crèisse de longo dempuei sa creacien, e de moustra la grandour e la valour dóu "supporter" marsihés que que sisiegue soun àgi tras nouaste club e en tout encas, pèr que, dounant d'èr à nosto nouasto emblèmo, lou soulèu, l'OM e sei "supporters" negon de soun dardai tóuti lei terren que reçaupon.